هو انا قولتلك إن عينيا
بتزقطط لحظة ما باقابلك ؟
و كمان قولتلك إن الدنيا
مفيهاش ولا بعدَك و لا قبلك ؟
قولتلك ازاى قلبى بيفرح
أول ما يعدى عليه طيفك ؟
و الخوف جوايا بيطمن
لحظة ما تطبطب بحروفك ؟
قولتلك إنك ساكن فيا ؟
و بتشبه روحى المنسية
و إنى معاك باغزل أحلامى
على قدى و قدك حنية ؟
طيب قولتلك إن وجودك
كان من ربنا أحلى هدية ؟
لو يعنى نسيت إنى اقولك
إسأل احساسك هيدلك
و أدينى وصفت اللى بيحصل
و اللا تحب أقولك أكتر ؟
