أنا الشِعر اللي له معنى
وانا طعم الجمال ف القص
وانا الراضيه عن الكلمه
ومش باكتب كلام يترص
لكن دايما ما ليّاش حظ
لا مرّه وزير يكرّمني
ولا سفّرني مع بعثه
بقيت وسط الأدب حسّه
بإنّي ف سكّه ماشيه العكس
لا روحت ف مؤتمر فتّه
ولا اتسابلي من التورته
تملّي ثقافة الصلطه
خيار قوطه بصل مع خس
تملّي المبدعين عاله
وف الموازين ف كفّة نقص
وتلقى اللي مالوش فيها
بيعلا وييجي ف الإعلام
ثقافه بجد ناقصه علام
وناقصه حزام
عشان تقدر تكمّل رقص
………..
هناء جــوده
