★★
قالو باعت قالو جافيه
شجره مايله بالفروع
شحه لقمتها وبعيده
والحياه صعبه وعنيده
قولت مهما تقولو عنها
حته منى وحته منها
عن هواها مفيش رجوع
جوه ننى العين مكانها
وان زعلت ف مره منها
قلب بيغازل ضلوع
قالو ياما وياما قالو
السنين فيها عجاف
قلت نيلها الأسمرانى
كحلته ليا لحاف
فيها يكفينى الأمان
نيلها ضله والسواقى
روحى حاسه بالسلام
والهرم شاهد وباقى
فين تروح بيا الخطاوى
نايها يحكيلى الغناوى
حتى نور الشمس طارح
بالأمل عمره ماخاف
بالأمل عمره ماخاف
