رايات ما بتنحني/باللّغة المحكيّة …بقلم جميلة مزرعاني

يا جنوبنا الغالي
مرفوع الهامة
معمّد بالدّم
وجبينك عالي
يا عرين الأبطال
ومربض الخيّالي
يا حكاية جاه
برفعة أرزك
والشّجر العالي
يا ترابك الذّهب
منثور ع تلال المجد
مجبول كرامة وشرف
قصايد عزّ وفخر
ع شفاف القوّالي
يا نغمة قمر
برتبة بدر
سوّاح بالعلالي
يا عرش النّجمات
شارات ع اكتاف الليالي
رايات بوجه الرّيح
ما بتنحني
مهما تدور الطواحين
منصور يا جنوبنا
بإذن الباري