كتب :خالد عاشور
مسلسل أقل ما يقال عنه انه سئ.. للاسف مستوى متدني جدا من الدراما والتمثيل.
ومن غير شرح لأن مسلسل زي ده شرح عيوبه اهدار لوقت المشاهدين.
الواسطة مبتعملش فنان.. والغرور مبيصنعش نجم.. والجيتوهات واللوبي بتاع الصحفيين والصفحات المصنوعة من الفنانين وجو الذباب الألكتروني بتاع كل مسلسل اللي مع نهاية رمضان هانشوف ان كل المسلسلات تريند.. وكل مسلسل نمبر وان.. وان صفحات اليويتيوب اللي لها جيش من الذباب الألكتروني وشماشرجية كل فنان وكل منتج وكل مخرج مش هاتخلي الواقع يتغير.. وصنع جزء تاني من مسلسل فاشل متوقع.. وللاسف المبدعين الحقيقيين في الصنعة هم اكثر ناس متضررة.. الجمهور ذكي.. محدش بيضحك عليه… ممكن تشتري صحفي او ناقد او تعمل جيش متابعين وذباب الكتروني تزود المشاهدات.. لكن كله عارف ان الفاشل فاشل.. والمفروض بالعافية عمرة قصير.. مش في مسلسل “وكل ما نفترق” بس.. مسلسلات كتير بتتبع نفس الأسلوب ونفس الجيتوهات والذباب الألكتروني.. الكدب في النهاية ملهوش رجلين.