محمد عبدالرحمن يكتب : كلمة السر فى اتفاقية الحدود البحرية (الغاز) صراع السيادة والنفوذ

العربي اليوم19 يونيو، 2017

2 10٬460

من يومين
يوم الجمعة تحديدا وأثناء ما أحنا مشغولين في نقاش أتفاقية تعيين الحدود البحرية في
البحر الأحمر مع السعودية ودعوات التظاهر يوم الجمعة ، الأتفاقية موتناها بحثا وشرحا
، وفتيا وهريا أيضا ! ، ناس كتير جدا قراءة مقالاتي بخصوص الصراع
علي الغاز وشرح الأتفاقية وأهميتها والعائد منها ، في ناس كتير فهمت وناس شككت فكلامي
وقالتلي بطلوا جو التبرير وجو مؤامرة كونية ده وكلام مثال أنت بتبرر وبتطبل ، ألخ
..

تعالوا
نشوف كلامي صح وواقعي وبناء علي وعي وأدراك ودراسة ومتابعة للأحداث ، ولا من وحي خيالي
.

يوم
الجمعة كان رئيس الوزراء الإسرائيلي والقبرصي واليوناني بيوقعوا أتفاقية علي خط نقل
الغاز الأسرائيلي لقبرص ثم اليونان ثم باقي دول أوربا ، خلال مقالات سابقة شرحتلكم
الصراع علي تصدير الغاز في المنطقة ومشاريع خطوط نقل الغاز وأن الخطوط دي سبب صراعات
المنطقة ، لم ينجح من المشاريع دي ، سوا المشروع المصري والأسرائيلي فقط حتي الأن ،
وحتي الأسرائيلي مش النجاح الكبير المؤثر برضه ، تصدير غاز خام فقط ، تعالوا نعرف بالتفاصيل
ايه هما المشروع المصري والأسرائيلي دول والمشاريع الأخري برضه ..

المشروع
الأسرائيلي اللي تم توقيعه يوم الجمعة الاتفاقية الخاصة به هو مشروع لتدشين خط أنابيب
الغاز “إيست ميد” اللي هيربط البلدان الثلاثة إسرائيل ، اليونان وقبرص وسيفعل المشروع بحلول العام
2025.

تعالوا
نعرف بالتفصيل ايه هو المشروع ده ..

تصريحات
القمة الثلاثية .

قال
رئيس الوزراء الإسرائيلي نتنياهو

“لقد
بحثنا إنتاج الطاقة وإنتاج الطاقة الكهربائية ونقلها، وخصوصا إقامة خط أنابيب الغاز

“إيست
ميد” الذي سيشكل ثورة ومشروعا واعدا جدا”.

وذكر
رئيس وزراء اليونان تسيبراس أن الاكتشافات الأخيرة للغاز في قبرص وإسرائيل عززت
“التعاون الاستراتيجي” بين هذه الدول وهي أيضا عامل يسهم في “السلام
والاستقرار في المنطقة”.

من جهته
أكد رئيس قبرص ، أن “إيست ميد” مشروع يسهم في أمن الطاقة لبلداننا وبلدان
أخرى في أوروبا.

ووفقا
لـشبكة “يورونيوز”، قدرت كلفة المشروع بـ 5.8 مليار يورو وسينقل خط الأنابيب
الغاز الذي اكتشف مؤخرا قبالة سواحل قبرص وإسرائيل إلى أوروبا.

التفاصيل
و فيديو لقاء القمة .

https://goo.gl/aQvNeV

المشروع
المصري .

مصر
بتعوم علي بحيرة من الغاز والبترول وده وضحته دراسات ووثائق أمريكية والمسح السيزمي
لعدة مناطق في مصر الغاز في دلتا النيل وده ظهر جليا في أكتشافات حقل ظهر ونورس شمال
بورسعيد والأسكندرية ومن فترة قريبة من 3 شهور ، شركة بريتش بترليوم اعلنت عن أكتشاف
في شمال دمياط .

الاكتشافات
دي تمت بعد أتفاقية تعيين الحدود مع قبرص واليونان ، طيب أحنا عرفنا أن الدلتا والصحراء
الغربية فيها غاز وبترول وأتفاقية تعيين الحدود البحرية في البحر المتوسط جابت الخير
ده لينا ، هل بقي البحر الأحمر في أكتشافات غاز أو بترول تبشرنا بالخير بعد توقيع الأتفاقية
مع السعودية ؟ أه فيه والكلام ده من 2011 و 2012 لما شركة أرامكو السعودية أبتدت تنقيب
في البحر الأحمر وخصصت 25 مليار دولار للتنقيب و أكتشفت أحتياطات مبدأيه 100 مليار
برميل بترول .

طيب
خلاص عرفنا أن في بترول وغاز في البحر الأحمر و المتوسط ، هنعمل بيهم إيه ؟

⚠هي دي كلمة السر بقي ، إسرائيل هتصدر الغاز
بتاعها خام لانها مبتمتلكش محطات لأسالة الغاز ، الغاز المسال سعره 19-20 دولارا للمليون
وحدة حراري ، اما الغاز الخام سعره في اوروبا حوالي 10-12 دولارا للمليون وحدة حرارية
بسبب تعدد مصادر الغاز الطبيعي ، فهنالك انابيب غازبروم الروسية، وانابيب الغاز الجزائرية
(بنسبة بسيطة) ، وهنالك مصادر الغاز الطبيعي المسال القادمة من البحار المفتوحة ،

طيب
ما أحنا لو هنصدر غازنا لأوربا في مصادر كتير ليها وزيادة المعروض هتقلل السعر ؟!

أهدي
علي رزقك وأقرأ للأخر جايلك في الكلام أهوه ..

كوريا
الجنوبيةواليابان ، المصدر الوحيد للغاز هناك هو ناقلات الغاز الطبيعي المسال .

يعني
أحنا هنسيل الغاز بتاعنا وهيتنقل في سفن مخصصة ليه وتروح شرق أسيا أو نصدر خام لأوربا
بنسب قليلة ، بس برضه مش ده الهدف ، المشروع المصري بيتبلور حول صناعة البيتروكيماويات
وأستغلال الغاز في الأنتاج الصناعي وده بيمثل قيمة مضافة للغاز الخام وأستغلاله احسن
استغلال بمعني ، انا لما اضخ الغاز الطبيعي الخام ده لمصانع البيتروكيماويات بتاعتي
، هتجبلي عائد أضعاف مضاعفة من بيعة خام ، تعالي نعرف يعني أيه صناعة بيتروكيماويات
..

البتروكيماويات
هي المواد التي تُصنع من النفط بالأساس ويمكن أن تصنع من الفحم أو الغاز الطبيعي ،
وهي من أهم المواد التي تُستخدم في الصناعات هذه الأيام ، يستغل المنتجون هذه المواد
في صناعة كثير من المنتجات كالمواد المطهرة، ومواد التنظيف، والأسمدة، والعقاقير، والدهانات،
والبلاستيك، والمنسوجات الاصطناعية، والمطاط الاصطناعي.

وده
ظهر جليا في مصر خلال الفترة الماضية بأفتتاح السيد الرئيس مجمعات لصناعة البيتروكيماويات
، مثل مجمع النصر وموبكو و مجمع ايثدكو في الأسكندرية أكبر مجمع بيتروكيماويات في الشرق
الأوسط ،

مجمعات
دي في منها اللي بينتج الأسمدة ومنتجات تنظيف وتطهير زي البيرسول والكفرسول والمنظفات
الأخري ، والمواد البتروكيميائية الأولية هي الأساس للصناعات البتروكيميائية. ويُمكن
تقسيمها إلى ثلاث مجموعات رئيسية من حيث تركيبها :-

1ـ مجموعة
الأولفينات.

2 ـ
المجموعة الأروماتية.

3 ـ
الغاز الصناعي.

تتضمن
الأولفينات المهمة كلاً من الإثيلين، والبروبيلين والبوتاديئين. ويُعَدَّ كل من الإثيلين
والبروبيلين بمثابة مصادر مهمة للكيميائيات الصناعية ومنتجات البلاستيك ، أما البوتاديئين
فَيُسْتغل في صنع المطاط الاصطناعي.

وتتضمن
المجموعة الأروماتية كلاً من البنْزين والتولوين والزيلين. ويُستخدم البنزين في صناعة
الأصباغ والمطهرات الاصطناعية، أما التولوين فيُستعمل في صناعة المتفجرات. ويستخدم
المنتجون الزيلين في صنع البلاستيك والمنسوجات الاصطناعية.

ويتضمن
الغاز الاصناعي خليط من أول أكسيد الكربون والهيدروجين ، ويُستخرج منه النشادر والميثانول
، ويُستخدم النشادر في صنع الأسمدة والمتفجرات ، أما الميثانول فهو مصدر لكيميائيات
أخرى .

مين
أكتر دول مضرورة من المشروع المصري وأكتشافات الغاز المصرية ، وعلشان كده بنتسلح أستباقا
لأي غدر وأمتلاك الردع للدول دي ؟

1- اسرائيل
هتصدر غازها خام وكانت عايزة تسيطر علي غاز الشرق الأوسط بسرقته وسط ما الدول مشغولة
في صراعتها داخلية .

2- إيران
فشل مد خط الغاز لحد الأن من البير المشترك مع قطر وهو من أكبر أبيار الغاز في العالم
وسبب ثروة قطر وفلوسها ، وده ضمن مشروع نابوكو ، هتكلم عليه في المشروع القطري التركي
بعد ده لكن ايران بعدت عن قطر وعملت خط خاص بيها وهو ، خط الغاز الإيراني وقع في
13.04.2016 ، وقع كل من إيران والعراق، الأربعاء 13 أبريل ، اتفاقية بشأن بناء خط أنابيب
لنقل الغاز الطبيعي الإيراني عبر الأراضي العراقية إلى أوروبا عبر الأراضي التركية،
بتكلفة تصل إلى 2.3 مليار دولار.

أفادت
قناة “برس تي في” الإيرانية أن شركتين إيرانيتين للطاقة، وقعتا اتفاقا مع
العراق لبناء خط أنابيب لنقل الغاز الطبيعي، من حقل “بارس الجنوبي” عبر الأراضي
العراقية والتركية، يعمل على تزويد أوروبا بالغاز الطبيعي الإيراني .

المشروع
القطري والدور المحوري التركي كلمة السر في الصراع داخل سوريا والتدخل الروسي فيها
.

خط غاز
نابوكو مشروع القرن .

بدأت
فكرة المشروع مع بداية هذا القرن، واتخذت أول خطوة عملية في بداية عام 2002 حينما وقع
بروتوكول للاشتراك في المشروع بين كونسورتيوم من شركة أو إم في غاز النمساوية وبوتاش
التركية و(إم أو إل) المجرية و(ترانس غاز) الرومانية و(بلغارغاز) البلغارية، وكان المشروع
يهدف إلى ربط احتياطيات الغاز في آسيا الوسطى عبر بحر قزوين بأوروبا من خلال خط أنابيب
يعبر بحر قزوين إلى أذربيجان ثم إلى النمسا، دون المرور بروسيا، أي أن مشروع «نابوكو»
كان مخططا له أنه بإمكانه في نهاية الأمر أن يوصل الغاز الطبيعي مباشرة من وسط آسيا
إلى وسط أوروبا، من دون أن يعبر روسيا، وبحسب دراسات المشروع في بداياته فهو يعتمد
أساساً على تصدير الغاز الطبيعي من المزود تركمانستان، التي تملك رابع أكبر احتياطي
غاز في العالم من خلال تمرير خط أنابيب عبر حوض قزوين يحمل غاز تركمانستان إلى أذربيجان
دون المرور على الأراضي الروسية، ومنها إلى أرضروم في تركيا ثم سيمر ثلثا خط الأنابيب
عبر أراضي تركيا ومن ثم يعبر بلغاريا ورومانيا ثم المجر إلى منتهاه في محطة تجميع ضخمة
في مدينة « بوقمارتن اندرمارش »، في النمسا، وطول الأنبوب 2050 ميلا أو 3300 كيلو متر.

قطر
وتركيا والأتحاد الأوروبي وأمريكا ،

سبب
تدمير سوريا .

دخلت
قطر المشروع برغبتها في تصدير غازها الي أوروبا عن طريق ربط أكبر حقولها عن طريق خط
أنابيب يمر بسوريا وفي 2009 عرضت علي الرئيس بشار الأسد الفكرة بمرور خط الغاز من قطر
ثم السعودية ثم الأردن ثم سوريا ثم تركيا ، وربطه بخط نابوكو في نقطه التجمع بتركيا
ثم الضخ لأوروبا ، رفض الرئيس السوري الفكرة نظرا لتأثيرها علي حليفتة روسيا لأن روسيا
بتعتبره مشروع عدائي وده حقيقي .

وبسبب
المشروع ده أتدخلت روسيا في سوريا لمنعه من المرور بها لتستمر هي حصرا في ضخ الغاز
لأوروبا ،

لان
الاقتصاد الروسي قايم علي تصدير الغاز والبترول وصناعة السلاح بشكل أساسي ، أتدخلت
روسيا في سوريا بعد ما كانت محاصرة من جنوبها الغربي من أوكرانيا في جزيرة القرم بعد
ما تم الأطاحه برئيس اوكرانيا الموالي ليها عن طريق ثورة ملونه ونشطاء ومعارضه موالين
لأوروبا وأمريكا ثم ضمت روسيا شبه جزيرة القرم لها نظرا لموقعها الحساس ونقلت الصراع
من علي حدودها الي داخل سوريا وذلك بفضل ثورة 30 يونيو اللتي أوقفت هذا المخطط وكانت
سند لروسيا وكانت ايضا روسيا سند لمصر بسببه وهذا ما اوضحته في الجزء الأول من المقال
⏪

https://goo.gl/G6aeQu

حقل
الغاز القطري الإيراني .

حقل
غاز الشمال أو حقل فارس الجنوبي هو حقل غاز طبيعي يقع في الخليج العربي، وحقل غاز الشمال
تتقاسمه كل من قطر وإيران، وهو أكبر حقل غاز بالعالم حيث يضم 50.97 ترليون متر مكعب
من الغاز، وتبلغ مساحة حقل غاز الشمال نحو 9,700 كيلومتر مربع منها 6,000 في مياه قطر
الإقليمية و 3,700 في المياه لإيرانية، اكتشف الحقل عام 1971 وبدأ الإنتاج فيه عام
1989.

ووفقا
لوكالة الطاقة الدولية (IEA)،
فإن الحقل يحتوي على ما يقدر ب 1800 تريليون قدم مكعب (511 تريليون متر مكعب) من الغاز
الطبيعي وحوالي 50 مليار برميل ((7،9 مليار متر مكعب) من مكثفات الغاز الطبيعي.

ويغطي
حقل الغاز هذا مساحة قدرها 9،700 كيلومتر مربع (3،700 كيلومتر مربع) منها 3،700 كيلومتر
مربع (جنوب بارس) في المياه الإقليمية الإيرانية و 6،000 كيلومتر مربع

(القبة
الشمالية) في المياه الإقليمية القطرية .

وبسبب
رفض سوريا تمرير خط الأنابيب

كان
لازم ندمر سوريا ونوقعها وأشتركت كل الدول في الهدف ده ، ومرورا باللي احنا شوفناه
وعاصرناه كله من حرب سياسية وأقتصادية وأعلامية علي سوريا لتدميرها وتدمير جيشها .

وبكده
بيتضح دور قطر وتركيا في تدمير سوريا وسبب ده إيه ، وده يودينا لنقطة تانية هي ،

مين
اللي بوظ ووقف كل ده وخلاه ميكملش وزي ما بنقول بالبلدي كده ضرب كرسي في الكلوب وفركش
اللعبة ولخبط الدومينو والورق ، #مصر و #ثورة_30_يونيو وعلي رأسها جهاز المخابرات العامة
المصرية ، أكتر من مرة الرئيس السيسي بيقولكو احنا غيرنا العالم وانتم بثورتكوا دي
اخدتوا اخطر قرار في تاريخ مصر ، انتم وقفتوا قصاد أهل الشر وضيعتوا عليهم فلوسهم اللي
صرفوها سواء دعم جماعات ارهابيه او نشطاء ومنظمات مجمتمع مدني او الدعم العسكري اللي
اتقدم للمليشيات لتدمير المنطقة ، ارجعوا لكلمة الرئيس عقب حادث الهجوم علي كتيبة
101 وقالكوا بالحرف

انا
مستعد أقف قصاد الدنيا دي كلها ، طول ما انتم معايا علي قلب رجل واحد محدش هيقدر علينا
غير ربنا لأن ربنا معانا واحنا اهل خير مش شر .

أي حد
يقولك دي حرب سنية شيعية ، تروح رازعه علي قفاه وتقوله دي حرب عالمية أقتصادية وبشكل
جديد عن طريق الحرب بالوكالة والفوضي الخلاقة .

عرفتو
ليه رئيس المخابرات الأمريكية قال علي مصر الجائزة الكبري وشرح المؤامرة كلها علي المنطقة
صوت وصورة في عام 2003 .

فيديو للكلمة مترجمة .

https://youtu.be/9C_sEb-fetA

فهمتوا مين اللي عاوز ينافس مصر
في تصدير الغاز ومضايق من أكتشافات الغاز وطرح أماكن للتنقيب للشركات العالمية ، ومين
من مصلحته يعطل مصر ويوقعها علشان متوصلش لي 2019 -2020 ، أول مراحل تصدير الغاز المصري
قبل أسرائيل بي 5 سنين وخطوط الأنابيب الخاصة بالنقل جاهزه مش لسه هنعمل كمان ؟!

عرفتوا
سر كره قطر وتركيا لينا وأستخدامهم للاخوان لمحاولة السيطره علي مصر وثرواتها ، عرفتوا
سر كرههم للسيسي وللجيش ولمؤسسات الدولة ومع كل هجوم ارهابي كانوا بيطلقو كلابهم تقولك
دي امن دوله ومخابرات اللي بتفجر ، عرفتوا بيشككوا ليه وبينشروا سواد بيننا ، هما بيكرهونا
وهيفضلوا يكرهونا ، بس ساعه الحساب دقت خلاص وابتدت بقطر ثم تركيا قريبا والاخوان هيتم
محاصرتهم والقضاء عليهم نهائيا ، ثقوا في القيادة وفي المؤسسة العسكرية وحطوهم جوه
عنيكم لان هدفهم الوحيد ،

رفع
مكانة مصر عالية بين الأمم وبناء حضارة حديثة .

كفانا
كلام عن تاريخنا وحضارتنا العظيمة القديمة ده تعب أجدادنا ، احنا كا أحفادهم عملنا
ايه ؟

هو ده
اللي بيحصل دلوقتي من مشاريع علي ارض الواقع و من أهمها العاصمة الادارية الجديدة ،
اللي انا بقول للي بيحب دبي واستراليا وكل مكان حلو فى العالم منبهر بيه وبتسب وتلعن
في بلدك ، أتفرج العاصمة دي هتبقي ازاي وقريب جدا مش حلم بعيد وهتشوفوا بنفسكم ده ،
ده غير المشاريع اللي بيتم أفتتاحها تباعا وفي منهم كتير غير معلن وليه وقته ، الصعب
عدي خلاص وبدأت رحلة الأنطلاق بسرعة الصاروخ للمستقبل ، المشروع المصري حاليا هو أحسن
مشروع في تاريخنا لان مبني علي خلاصه تجاربنا السابقه مثل محمد علي وجمال عبدالناصر
وتاريخنا القديم ،

بكره
بتاعنا يا مصريين يا أخواتي وأبناء بلدي .

فيديو
بيوضح تصميم عاصمة مصر العظمي .

https://youtu.be/XU-ePo9ETHU

وده
فيديوهات للتنفيذ علي أرض الواقع ..

https://youtu.be/VxX7HGTWJzY

https://youtu.be/lOoOQUVEt8E

https://youtu.be/gPntIsBnkwA

عرفتوا ليه بنعمل 3 أكبر محطات
كهرباء في العالم بنظام الدورة المركبة من شركة سيمنس ..

فيديو
أفتتاح المرحلة الأولي من المحطات بحضور المستشارة الألمانية أنجيلا ميركل في القاهرة
.

https://youtu.be/C5Vp2KXAwUc

عرفتوا
ليه هنعمل محطة الضبعة النووية والتوقيع النهائي للأتفاقية قريبا ..

اكتفاء
ذاتي من الغاز ، يعني ، هنوفر سنويا مبالغ ضخمة دولارية كانت بتخرج بره البلد وده هينعكس
علي سعر صرف الجنيه مقابل الدولار ، بخلاف تصديرنا للغاز ده والمنتجات البيتروكيماويه
اللي مطلوبه عالميا وبشدة ، مما يزيد من حجم أيرادات الدولة وتستطيع بذلك السيطرة علي
التضخم وعجز الموازنة ، ثم زيادة المصروفات للدولة علي الخدمات التعليمية والصحية والمرافق
والمرتبات .

طب أحنا
مصدقين كلامك ، بس عاوزين بصيص نور وأمل ، عيوني ليكم والله .

الرئيس
السيسي بالجلسة الافتتاحية للجنة الاقتصادية المشتركة بألمانيا : رؤيتنا لتطوير الاقتصاد
تتضمن تحويل مصر إلى مركز إقليمى وعالمى لتوليد ونقل وتوزيع الطاقة لأوروبا ..

https://youtu.be/5_ZP-o2V1pw

الرئيس
السيسي يشهد حفل بدء أنتاج الغاز من حقول شمال الاسكندية .

https://youtu.be/9kRdJze2gCU

غاز
ومحطات كهرباء لٱننا هنصدر كهرباء وهنعمل ربط كهربائي بكل الدول في المنطقة وأوروبا
.. وهنصدر غاز ومنتجات صناعية ..

كلامي
ده قولته من شهور وبالتواريخ للأنتاج الفعلي والتصدير ومصانع البيتروكيماويات .

مقالي
القديم عن أزمة الطاقة في مصر علي جزئين كهرباء وغاز ..

الكهرباء
:- https://goo.gl/JyzoPU

الغاز
:- https://goo.gl/fDujwc

علشان
اللي بيشكك في كلامي ، ينقطني بسكاته ، انا بكتب كلام علمي واقعي مدروس ومدعوم بقرائن
ووثائق وبرغم حبي للرئيس السيسي وانتمائي السياسي بدعم مؤسسات الدولة المصرية ، إلا
اني مبدخلش انتمائي في كتاباتي ، وبتكلم عن حقيقه مجردة ، ممكن انت تشوفها مبالغ فيها
او تشوفها غلط ، بس ده مش ذنبي ) .

و خلال 4 شهور هتبتدي رحلة الانطلاق وبدء
الانفراجه وانتهاء ال 7 سنين العجاف ، والرحلة دي مش أقل من 30 سنة هتفضل في تقدم مستمر
سنويا باذن الله .

وعلي
فكرة ثروات مصر مش غاز وبترول بس ، مصر دى خزائن الأرض ، وعلشان كده ، للحديث بقية
، ومفاجأه مني لكم قريب ! .

………………………………………………

مراجع
المقال

https://goo.gl/TvHusO

https://goo.gl/9aaoSN

https://goo.gl/cbzHj9

https://goo.gl/gngi8v

https://goo.gl/DSPuXW

https://goo.gl/RsEMC9

https://goo.gl/hc1jRa

https://goo.gl/qt9aem