بَقِـيـتِ فِـيـــنْ
وكنتـى تمـشـــي وشـالِك على كـِتــافِـكْ
دَلعـانـَه وعجبـانـه
تِخَـطِّـي برجلك يِـدُق خُلخالِكْ
يِحَـرَّك السَّاكـِن يا خَيْلانه
وضحكتـك كّيِّ النسيـم تِشفي العـليـل
وإنـتِ اللي صَفْيَـانَـهْ
ما إنتِ الوحيـده دون البنـات
تقولش خَرَطِـكْ وإتمَـدِّدْ مَــاتْ ما إنـتِ الجميلـة
إنــتِ الوحيـدة يا خــايلـه اللـي
تُـوبـِكْ كَاسِـى من دون البِنِتَّــه
والكُـل كـان مـاشــي جـاهِــل وحـافِـي
إلا إنـتِ يا عايقـه راكبــه الكَـرِتَّــه
والكُل كانـت عينُـه عليكِ وحاسـدِينِـك
ماالعـيـن قَوِيَّه وهتاكُل مِن الجمال حِتَّه
والإسم مِن ربِّـك جميل وبسمِتِـك تشفِي العـلـيـل
والكُل بعـدِك بيـوت ’ وإنــتِ اللـي عِيلَــه
——-
بَـس يا عايقـه دار بيك] الزّمـن
ومكانـش دا حـالِـك ومحتــالِك
إيه الحكـايه ’ كِبـرتِ وعجَّـزتِ ’ شِختـي وشخشختي
وسِكِـت مِن الـدَّق خُـلخـالِك
إيه الحكـايه بـس ’ كتمتِ ليـه الحِـسْ
ما الكُـل حاسِـس وإتغيَّـرِت أحـوالِك
وخايـف أقـول هتقـولي عِـيـبَـهْ
يا عايقـه فيـن الجمـال والهِيـبـه ’ مالِـك عَـلِيلَــهْ
بقـا إنــتِ هِيَّـا ؟. شَكلِي بَفْتِكِر أحـلام كانت مِعـدِّيه
ومصـروفي اللي كان بالقـرش
فاكـره القـرش ؟ أنا فاكـرُه ’ أشتِـرِي وبِكَيِّـلْ
فرحان م أنا عَيِّـلْ وِبَشِيـلْ الباقِى تحتِ البِرْشِ
البـرش اللي ضهـرِي عليه وَلَّـفْ ’ مـ انا ضهـرِي
خلاص حَـلَّـفْ وِالبِـرْدَهْ كانِت فَـرْشْ
أقـولِك ’ خليني فى القـرش والشِّلِـن الأصفـر
مانا بتـقهَّـر وبِتحَـسَّـر ’ يااااااااااه ’ أحـلام جميلـة
——-
وِخُـد يا ولدِى الشِلِـن هـاتلـي زِبْـدَه وفـول
أروح علطـول والباقي تعـرِيفـه أعشـم أنا فيهـا
وِمـرَّه تاني بِتـدِّينِـي ’ ولا يوم سـألتِ
ولا مَـرَّه تحـاسبينـي وأنا قـروشـي مِـدَسِّيهَــا
فـى حَصَّـاله حِلـوه بالـكـوز الصفيـح ’ بَـقِـتْ بـريـزه ’
والله عـال ’ ياه ع الجمـال ’ وفى لحظـه بَخَـفِـيهَـا
وأمِـد إيـدِي بِقـرش لِعَـمْ الرَّشيـدِي وِيزَوِّدْ السَّمْنَــهْ
وِيِرمِي فى السُّكَـر ’أقُـولُّـه كمـأنْ أكتَـرْ ’
فاكْـرَه البِليلَـهْ
لكـن دِلوقتـي قوليلي مالِـك ’
جَبِـرتِ وِقسِيتِـِ على عِـيالِكْ
ومبقـاشْ لِيكِ وسطِ البنـاتْ قِيمَـهْ
ده حتـى الصغيـر اللى كان على الحيطه بيِتَّكَّـا ’
جابِـكْ وِعَـدَّى وعليكِ بَيِتَّكَّـا ’ وِبَقَـا بِعـزيمـةْ
سِبتِـي مَكَـانِكْ وعَمَّـالَه تِـِتـسَكْسَكِـي
وبالقيـود بَتِـتـربَّطِـي وِتـتحسَّـكِـي
بقيتـى ليـه هبلـه وغـشـيـمـهْ
مَا كُـلْ الناس لِعيـالهـا بِتْـدَلَّـعْ وِبـِتـدَادِي
لكـن إنـتِ فِينـا تِولَّعِـي عـادِي
يا ليلتــى الطـويلــةْ
بقيتِ فيـن وفيـن مكانِكْ
وفيـن الـدَّفـا اللي كان فى احضـانِـكْ
فيـن المِحَنَّـه وفيـن جمـالِ الـوِشْ
بقيتِ فيـن وإيـه اللـى جَــرَى
الكُـل عَــدَّى وإنـتِ الوحيـده اللي قـاعـده ورا
والــوِشْ بِيكَـرْمِــشْ
قـوليلي طيِّبْ
ده أنا اللي كُنـتِ بِتقـولِي يـا حِبَـيِّـبْ
الناس فلـوسهـا ورق ’ وِإنـتِ فلـوسِـك قَــشْ
خـلاص يا غـاليـه ’ حـتـى الِجِنيـه إتـغــشْ
بِتـاكلِـى لِيـه وبتحِـشِّـى فِينـا حَـشْ
بقـيـتـى بخيلـه ْ
ده أنـا كُنـت بَمشِـي رافِـع راســي وبقــول جميلــةْ
وِبَتْبَــاهَـا وَسـط النـاسْ
دلـوقتـي لا بقـا لِـيَّا قِيمَـهْ ولا لِيكِ وبَقِـيـتْ بِعِـلَّهْ
كَيِّ اللـى راسِـهْ تحـتِ مَـدَاسْ
وقــال إيـه مِـلازمِـينِـكْ
وِنَـهَـبُـو يا غاليـه فَـدَادِينِـكْ
بـسْ إنتِ فِيـنْ ’ مِشْ تِبقِي تِـفْـرِزِي الحُـرَّاسْ
هقـولِكْ ووالله هَحْكِـي الجَـدْ
البيـت هَـيِـِفْـضَـا وِمش هتـلاقى جَنْبِـكْ حَـدْ
يا غاليـهْ لِـمِّــي العِـيـلَــةْ
——-
معلِـش ’ بَـتـوسَّـعْ شِـويَّـه معـاكِ
مَـ انـا موجُـوع والدُنيـا دَاقِــتْ
وِمـشْ عـارِفْ أجِيـبْ لُقمَــهْ
مِـنْ تَعَـبِي بَـتْكِي جَنبِي واللهِ مِـشْ حَـاسِـسْ ’
وِعَشَــانْ ألاحِــقْ بَصْحَــا مِـنْ النِّجْـمَــهْ
ما الإِيــدْ قَصِيــرَهْ ’ وِمِـشْ قـادِر أَجِيــبْ الجـدِيـد ’
خـلاص يِـبـقَـا مـتـزودِيهـاشْ
وحـافـظـيـلِـى على الهِـدْمَــهْ
مِـش لازِم تِجِيبِـي العَـبطْ
وِتخَسَّـرِينِي الجِلـدْ والسَّقَـطـْ
هنمُــوتْ يـا شِيـخَــهْ ’ جَـتـْنَـا نِيـلَــهْ
—————
لكـن واللـهِ ما أنـا خـايِـف
هَـتْـشِــدِّي حِيلِـكْ أنا عـارِفْ
وهتـلاعـبِـيـنَـا زَىِّ زَمــانْ
هـتـقُـومي يا أمَّــهْ ’ وهَـتْفُـوقِـي مِـنِ الغُـمَّـهْ ’
دَا إِنــتِ السَّفينــهْ كالنَّـاقَـهْ وكالـقُـعْــدَانْ
بَـس إنـتِ جُـودِي ’ يا كـريمَـه داقِـتْ قُيُــودِي
وأنا هَـعْـمِـلْنَــدْرْ ’ هَـدْبَـحْ عَـنْـزَهْ وِجُـوزْ جِـدْيَـانْ
وِنْعَـشِّـى فِيـهْ كُـلْ اللـى مِـشْ قـادِرْ ’ وِكُـلْ المَـرِيـضْ
اللـى بِـيـهَـابِـرْ ’ مـا إنــتِ الأصيـلَـــةْ .
الشاعر: ناصر الدسوقي
