ربنا يكفيك فجور النفوس .. شعر : سامي القريني
فيه ناس حواليك يلسعوك زي الناموس
وناس دبّان وناس جاموس
وناس اسود وناس تيوس
وناس لما ربنا يديها
سلطه وقوه وفلوس
عالناس تدوس
فيه ناس تطعن في ظهرك
لما تشوفك ايديك تبوس
وناس زي الحُمي لما تجيلك
تمرض وتعوز لبوس
في ناس اخلاق وزوق
تجالسها تطلع لفوق
قلوبها نور فانوس
وناس بعيد عنك .. جاموس
فيه ناس الحقد والغل والحسد
ساكن قلوبها متسلطه عليك
راصدينك حواليك تحوس
وناس تحب الخير ليك عاوزه
الدنيا بين ايديك مشغوله عليك
شايفتك قمر وشمس الشموس
إبعد عن حثاله القوم
لو شفتهم في مجلس قوم
ربنا يكفيك فُجور النفوس
الزم اهل الصلاح والعلم والتقوي
يتحسن حالك تكون أقوي
تهزم الأشرار والصهاينه
والتتار والهكسوس والمجوس
ماتنساش الابتسامه
خليها تشق ليك الطريق
وتكون لك علامه
خليك عنوان الشهامه
إوعي تكون عبوس
