نتنياهو كان محتاج للحرب عشان يستمر في رئلسة الوزراء والتهرب من المحاكمة والسجن في قضايا فساد، وشاف إن الفرصة الوحيدة إنه يعلن عن قدرته على إنشاء إسرا.ئيل الكبرى من النيل للفرات، راح لترامب عشان يورط أمريكا، لأنه ما يقدرش يحارب إيران لوحده، ممكن يكون ابتزه بفيديوهات فضايح إبستين أو أغراه إن الحرب على إيران مربحة، ياخد نفطها وغازها، ويحاصر الصين، ويقدر يهزم إيران في ساعات أو أيام قليلة، عنده عشرات القواعد العسكرية في دول الخليج، وحاملات طائرات وذخائر ثقيلة، وفعلا تمكن نتنياهو من توريط ترامب بالإبتزاز أو الإغراء، وأمر نتنياهو صبيانه أنهم يخدعوا إيران أثناء المفاوضات، ويوجه ضربات تقتل القيادات، واعتقد أنه كسب الحرب من أول ضربة، لكنه اكتشف بعد فوات الأوان إن الحرب على إيران صعبه، والخساير كبيرة، يعمل إيه ترامب؟ يورط دول الخليج، ويقول لها قواعدنا انضربت عندكم، وكان لازم تدافعوا عنها، وما قدرش حكام الخليج المنبطحين يقولوا له أخدت مننا ترليونات، وتحملنا تكاليف بناء وتسليح قواعدك العسكرية عشان تحمينا، ودلوقتي بتطالبنا نحميك؟ حكام الإنبطاح لقوا انهم اتورطوا في الحرب على إيران، ودولهم هشة رغم مخازن الأسلحة الضخمة المركونة عندهم، وجيوشهم عبارة عن شوية جنود من مختلف الجنسيات، وبيشتغلوا عندهم مجندين بفلوس، يعمل إيه حكام الإنبطاح؟ ما يقدروش يعلنوا الحرب على إيران، لأنها ممكن تدمر دولهم الهشة بنفخة واحدة من الصواريخ والمسيرات، والحل إيه؟ نطالب الدول الشقيقة اللي بيعاني اقتصادها، ونقدم لهم شوية فلوس، عشان يبعتوا جيوشهم تحارب عننا .. الدايرة دي معناها إن مطلوب من دول الجامعة العربية تحارب عشان نتنياهو يستمر في رئاسة الوزراء، ويتهرب من أحكام السجن، يعني تضحي بدم أولادها عشان خاطر عيون نتنياهو.
الجامعة العربية العاجزة عن توصيل شوية طعام وأدوية لسكان غزة، والرافضة تعمل أي حاجة عشان حمايتهم من مجازر قتلت حوالي 75 ألف معظمهم أطفال ونساء وعجائز، وجرائم تدمير بيوتهم ومستشفياتهم ومساجدهم وكنايسهم مطلوب منها تحارب عشان تحمي نتنياهو من السجن ويستمر في الرئاسة عشان يحتل اراضي لبنان وسوريا ومصر والعراق والسعودية لإقامة إسرائيل الكبرى .
الهبل ده ممكن يمشي ويتنفذ، لكن فيه حالة فوقان للشعوب، وحالة خوف وقلق في الكيان وأمريكا، وعدوى الخوف وصلت للمنبطحين التايهين، والعاجزين عن الفهم، زي عميان بيقودهم أعمى ومجنون.
