فيها ايه البلد دي !!؟
مهما تاخد برضه ادي !!؟
مهما تجرح برضه اعدي
عشقها عندك وعندي
فيها ايه البلد دي !!؟
بياخدني ليها الحنين في بعدي
واموت عشانها ماهي بلدي
وتعيش هي بعدك وبعدي
انا بلادي بلاد طيبه
ورغم القسوه هي الحبيبه
وان غبت عنها في بلاد غريبه
من قلبي دايما هي القريبه
فيها ذكرياتنا وحبنا
فيخا حلمنا ..
عشرة سنين بتلمنا
فيها حضن دافي يضمنا
فيها الانين فيها الهنا
فيها عمر فاتنا في بعدنا
واليوم في بعدك مليون سنه
اوقات تفوت بفرحنا
واوقات مايخلص حزننا
ساعات بنسمع ضحكنا
وساعات بنمسح دمعنا
في البعد عنها وحشانا
في القرب منها جرحانا
يابلدنا حبك جوانا
لو حتي كنتي نسيانا