عاشق لوجودك
جوايا الصدق طرح فدادين
ونزفت حنيني من الشرايين
ياشوقي واخدني ورايح فين
فازاي بتقولى اني انساكي
ياست الحسن انا حبيتك
بكفوفي الدافيه دى ضميتك
ولجنة قلبي انا عديتك
وفضلت انا جنبك وياكي
م الحب اسقيكي وأنهاره
وبدمي اكتبلِك أشعاره
يا توأم قلبي اللي اختاره
ياشمس انا عاشق لضياكي
عديتلك وانا شايل روحي
وياكي ومنين ماتروحي
وبتمتم بإديا جروحي
أنا ميت دايب في هواكي
حسن ابو عرب
