على هامش كل فرحة بنفرحها، نفس الفرحة دي بتمثل ذكرى مؤلمة لبعض الناس، مثلاً بنفرح بعيد الأم وحولنا ناس فقدوا أمهاتهم وحرموا حنانهم، البنت تفضل تتباهى بعدد خطابها ولها زميلات أو قرايب محدش دق بابهم لأسباب ليس لهم يد فيها، واحنا بنفرح بمولود جديد نرزق به، معانا ناس حرموا نعمة الأمومة والأبوة، والأمثلة كتير، أنا مش بقول منفرحش، لأننا أحوج ما نكون للفرحة وخاصة في أيامنا الصعبة دي، ولكن وانت بتفرح تحسس مشاعر الناس اللي في محيطك، راعي مشاعر حد غيرك ممكن يكون محروم من نفس النعمة اللي انت رزقت بها، ربنا يكثر أفراحكم.
