كتاب وشعراء

الصمت مش دورك – بقلم / نيفين جابر

• الصمت مش دورك
لو كلمتك سيفك

المشهد المحذوف
بيكرر الحيرة
ف تتابع الاحداث
والفيلم مش اكشن
( ساسبنس ) آه يمكن
ودراما محسوبه
والكلمة مكتوبه
بحرفنه ممكن
لكن الألم فيها
مش حرفة الموجوع

• رجعنا للموضوع

الكلمة في الممنوع
راح تحذف المشهد

• لكنى راح اشهد
كان فيه هنا إنسان

صدقني مش ندمان
ع اللي انكسر بيا
ع اللي انتحر فيا
و اللي ما هوش راجع

• ورجعنا لمواجع

معلش يا صاحبي
اصل الوتر مخلوع
شديته كان محني
وصلبت له عوده
دندن عليه لحني
لو يوحشك صوته
لو يوحشك صوتي
ابقى افتكر موال
عالي الجبين مرفوع

#نيفين_جابر

مقالات ذات صلة

زر الذهاب إلى الأعلى