رساله الي الوالي احمد المسلماني …. كرم اولاد ماسبيرو بحقوقهم وبعدين خد اللقطه

خليل ابو العلا يكتب :
يا استاذ احمد المسلماني رئيس الهيئه الوطنيه للاعلام …. حضرتك بتضحك علي نفسك وللي بتضحك علي العاملين والمسئولين ؟
حفل ام كلثوم ايه وملايين بتتصرف علشان ايه وانت عندك عاملين خرجوا علي المعاش بيشحتوا وبيموتوا من غير ما يخدوا حقوقهم من سنين ؟
حفل ام كلثوم ايه وانت عندك ستوديو ٣٦ و ٣٨ وخاصه ستوديو النيل للرياضه اصبح أطلال وغير صالح للاستعمال الادمي والإعلامي ؟
حفل ام كلثوم ايه ؟ وانت عندك موظفين لم يتم ترقيتهم منذ سنوات عديده ؟
حفل ام كلثوم ايه ؟
وحضرتك سايب امثال اسامه بهنسي الذي خرج معاش منذ سنوات علي كرسي المتخصصه وكأن ماسبيرو اصبح خالي من القيادات ؟
يا احمد بك مسلماني أنا معك في تكريم ام كلثوم واصحاب اعمال ام كلثوم وليالي الحلميه والمال والبنون والخ الخ الخ
ولكن كرم أبناءك العاملين بالبحث عن مشاكلهم وحلها .
كرم اخواتك من أحيلوا للمعاش وابحث عن وسائل لصرف مستحقاتهم المتأخره منذ سنوات .
اقسم بالله في عاملين خرجوا معاش ماتوا بحسرتهم وعاملين بيشحتوا وعاملين بيتهم انخرب بسبب عدم صرف المستحقات .
احنا داخلين علي شهر كريم ابحث علي التكريم في الحقوق اولا وبعدين خد اللقطه زي ما انت عاوز